Другі ўчастак Зеленалужскай лініі метро ў Мінску пачнуць будаваць у канцы 2024 года. Пра гэта расказаў генеральны дырэктар «Мінскбуда» Аляксандр Церахаў, паведамляюць «Мінск-Навіны».
Да ліпеня плануюць завяршыць будаўніча-мантажныя работы на ўжо станцыях, якія ўжо будуюцца: «Аэрадромная», «Немаршанскі сад», «Слуцкі гасцінец». Пасля гэтага там пачнуць пусканаладакавыя работы, калі аб’екты будуць у высокай ступені гатоўнасці.
Новыя станцыі («Парк Дружбы народаў», «Камароўская», «Пярэспа» і «Прафсаюзная») пачнуць узводзіць толькі пасля завяршэння аб’ектаў, якія ўжо будуюцца.
«Сёння працягваецца падрыхтоўка да новага этапу. Мы разлічваем, што ў канцы года комплекс „Алеся“ пачне пракладваць новыя тунэлі», — расказаў Аляксандр Церахаў.
Нагадаем, што ў пачатку 2024 года ў «Мінскметрабудзе» называлі іншыя тэрміны. Асноўны этап будаўніцтва другога ўчастка трэцяй лініі планавалі пачаць у траўні.