Савет міністраў 1 лістапада вызначыў графік пераносаў рабочых дзён у 2023 годзе і расказаў, колькі доўгіх выходных чакае беларусаў. Тады ўрад не згадаў 2 студзеня. Разбіраемся, як будзем адпачываць у Новы год і колькі ўсяго выходных чакае нас у наступным годзе.
Каб удакладніць, ці будуць беларусы адпачываць 2 студзеня, мы патэлефанавалі ў Міністэрства працы. На гарачай лініі ведамства пацвердзілі: выходны будзе, і без адпрацоўкі.
— Вядома, ёсць указ, згодна з якім 2 студзеня з’яўляецца выходным, — нагадалі там.
Гаворка ідзе пра ўказ Аляксандра Лукашэнкі, паводле якога з 2020 года 1 і 2 студзеня з’яўляюцца выходнымі днямі. Адпрацоўваць гэты дзень не трэба.
Усяго ў 2023 годзе беларусаў чакаюць восем дадатковых выходных дзён. Непрацоўнымі днямі будуць:
- 1 і 2 студзеня — Новый год;
- 7 студзеня — праваслаўнае Раство Хрыстова;
- 8 сакавіка — Міжнародны жаночы дзень;
- 25 красавіка — Радаўніца (паводле календара праваслаўнай канфесіі);
- 1 траўня — Свята працы;
- 9 траўня — Дзень перамогі;
- 3 ліпеня — Дзень незалежнасці Рэспублікі Беларусь (Дзень Рэспублікі);
- 7 лістапада — Дзень Кастрычніцкай рэвалюцыі;
- 25 снежня — каталіцкія Каляды.
Нагадаем, Савет Міністраў вызначыў і пераносы рабочых дзён. У адпаведнасці з пастановай урада доўгія выходныя будуць выглядаць так:
- 24 красавіка (аўторак) пераносіцца на суботу, 29 красавіка. Адпачываем чатыры дні: 22, 23, 24 і 25 красавіка;
- 8 траўня (панядзелак) будзем адпрацоўваць у суботу, 13 траўня. Дні адпачынку: 6, 7, 8 і 9 траўня;
- замест 6 лістапада (панядзелак) працоўны дзень пераносіцца на суботу, 11 лістапада. Нас чакаюць 4 выходныя — 4, 5, 6 і 7 лістапада.
