Таццяна Караткевіч выйшла на волю пасля 15 сутак арышту, яна «ў парадку»

23 кастрычнiка 2024 у 1729676700
Максім Іскрын / «Зеркало»

Кандыдатка ў прэзідэнты на выбарах 2015 года Таццяна Караткевіч выйшла на волю. Пра гэта паведаміў у X экс-палітвязень Андрэй Дзмітрыеў, які ўдзельнічаў у прэзідэнцкай кампаніі 2020 года.

«Сустрэў Таццяну Караткевіч з 15 сутак. Яна ў парадку. Працягваем. Дзякуй усім, хто хваляваўся і падтрымліваў», - напісаў Дзмітрыеў.

Пра затрыманне Таццяны стала вядома 12 кастрычніка. Фармальнай прычынай стала наяўнасць у яе сацыяльных сетках нейкага «забароненага» фота, датаванага 2020 годам, пісала «Наша Ніва».

У 2015 годзе Караткевіч удзельнічала ў прэзідэнцкіх выбарах як лідарка руху «Гавары праўду». У 2020 годзе яна ўзначаліла ініцыятыўную групу кандыдата Андрэя Дзмітрыева.

Пасля выбараў і пратэстаў яна адышла ад палітычнай дзейнасці, засяродзіўшыся на сацыяльнай дапамозе людзям з інваліднасцю.