Супрацоўнік BYPOL адмовіўся праходзіць паліграф і быў звольнены. Ён сышоў, прыхапіўшы доступы да ўсіх сацсетак
8 чэрвеня 2023 у 1686239760
«Зеркало»
Супрацоўнік, звольнены з аб'яднання беларускіх сілавікоў BYPOL, прыхапіў з сабой доступы да ўсіх сацсетак. Да гэтага ён адмовіўся прайсці паліграф, расказаў МКБ кіраўнік BYPOL Аляксандр Азараў.
BYPOL страціў доступ да старонак у сацыяльных сетках Facebook, Instagram, Telegram, канала на YouTube.
Адміністратар сацыяльных сетак у нейкі момант адмовіўся праходзіць паліграф, пасля чаго быў звольнены «як той, хто страціў давер». Зламысна ці «на эмоцыях», але, сыходзячы, ён прыхапіў доступы да ўсіх сацыяльных сетак. Азараў назваў імя экс-супрацоўніка - гэта Мацвей Купрэйчык.
This browser does not support the video element.
Паводле Азарава, звольнены супрацоўнік доступу да чат-бота плана «Перамога» не меў.
«Гэты чалавек адміністраваў выключна медыяпраекты BYPOL, ніякага дачынення да плана "Перамога" і доступу да гэтай непублічнай часткі працы BYPOL ён не меў. Гэты чалавек не быў дапушчаны да сур'ёзных справаў і звестак нашай арганізацыі», - падсумаваў Азараў.
Мацвей Купрэйчык - былы старшы оперупаўнаважаны АНіСГЛ ГУУС Мінгарвыканкама, старшы лейтэнант міліцыі. Стаяў ля вытокаў стварэння BYPOL разам з Андрэем Астаповічам, Ігарам Лобанам і Уладзімірам Жыгарам.