Доктар-гігіеніст расказаў, каму нельга есці дыню

23 лiпеня 2024 у 1721734740
«Зеркало»

Дыня пераўзыходзіць кавун утрыманнем карысных элементаў, аднак яе карысць не для ўсіх аднолькавая. Пра гэта расказаў доктар-гігіеніст, загадчык аддзялення гігіены харчавання Мінскага абласнога цэнтра гігіены, эпідэміялогіі і грамадскага здароўя Юрый Гузік, піша партал «Здаровыя людзі».

«У дыні ўдвая больш, чым у кавуне, аскарбінавай кіслаты (вітаміну С): 100 г мякаці задавальняюць сутачнае запатрабаванне на 20−22%. Каратыну (правітаміну А) - да 8% сутачнай нормы на кожныя 100 грамаў. Даказаная перавага дыні што да ўтрымання мінеральных рэчываў. Дыня - сярод рэкардсменаў па колькасці крэмнію, кобальту і рубідыю. Без удзелу крэмнію не абыходзіцца практычна ні адзін працэс у арганізме, ён дапамагае захоўваць прыгажосць і маладосць», - расказаў доктар пра карысць гэтай бахчавай культуры.

Аднак ён перасцярог, што людзям з пэўнымі захворваннямі лепш адмовіцца ад дыні. Напрыклад, пацыентам з цукровым дыябетам і язвавай хваробай страўніка. Паводле медыка, дыню наогул лепш не ёсць пры любых разладах страўнікава-кішачнага тракту, каб не пагоршыць сітуацыю.

Таксама гігіеніст адзначыў, што дыня несумяшчальная са спіртнымі напоямі, мёдам і халоднай вадой. Калі спажыць гэтыя прадукты разам і за адзін прысест, гэта выкліча надзіманне жывата, колікі і дыярэю.