Былі «Кракаўскія», сталі «Крамлёўскія». Гомельскі мясакамбінат перайменаваў сасіскі

11 верасня 2023 у 1694448060
«Зеркало»

Не так даўно зніклі з продажу сасіскі «Кракаўскія» Гомельскага мясакамбіната, заўважылі чытачы «Флагштока». Высветлілася, што яны змянілі назву.

На сайце мясакамбіната сасісак «Кракаўскіх», на першы погляд, няма. Ёсць візуальна такія ж, але «Крамлёўскія». Аднак пасля дэталёвага разгляду відаць, што гэта ўсё ж «Кракаўскія».

Сасіскі «Крамлёўскія» з'явіліся ў продажы прыкладна з лютага 2023 года, піша «Флагшток».

Акрамя сасісак, якія перажылі метамарфозу, мясакамбінат таксама выпускае сасіскі «Франкфурцкія», «Малочныя» і «Сметанковыя».