«Луч» адкрыў предзаказ на лімітаваную калекцыю гадзіннікаў «Мова. Ў». Яе героі — Янка Брыль, Максім Танк і Пятрусь Броўка

15 лютага 2023 у 1676465220
«Зеркало»

Мінскі гадзіннікавы завод «Луч» адкрыў перадзаказ на новую лімітаваную калекцыю гадзіннікаў «Мова. Ў». Яна натхнёная беларускімі пісьменнікамі.

Лімітаваная калекцыя гадзіннікаў ад «Луча». Люты 2023 года. Фота: luch.by

Героямі серыі сталі Янка Брыль, Максім Танк і Пятрусь Броўка.

«Кожны з іх сваім прыкладам паказаў, наколькі велічна можа гучаць беларуская мова і як прыгожа яна можа выглядаць на паперы. Асабліва літара "ў", індывідуальны стыль напісання якой вылучае гэтую тройцу сярод іншых дзеячаў беларускай культуры», - паведаміла прэс-служба «Луча».

Кожная з трох калекцый гадзіннікаў выпушчаная ў колькасці 70 асобнікаў. Яны працуюць на легендарным механізме 1801.1, корпус выраблены з нержавейнай сталі, шкло - мінеральнае. Раменьчык выкананы з натуральнай скуры з цісненнем подпісу кожнага пісьменніка.

Цана гадзінніка - 359 рублёў.

Адзначым, што да Міжнароднага дня роднай мовы «Луч» і раней выпускаў лімітаваныя серыі.