Тры гнёзды беларускіх буслоў увайшлі ў топ-10 самых вялікіх у Еўропе. Паглядзіце, якое жытло яны ўзвялі сабе ў Друі

8 снежня 2022 у 1670500980
«Зеркало»

Самыя вялікія гнёзды буслоў у Беларусі знаходзяцца ў вёсках Друя, Малая Бераставіца і ў Аршанскім раёне. Усе яны ўвайшлі ў топ-10 самых вялікіх гнёздаў Еўропы, піша тэлеграм-канал «Дзікая прырода побач».

Дыяметр жытла бусла ў вёсцы Друя Браслаўскага раёна Віцебскай вобласці складае 2,5 метра, а вышыня - 1,5 метра. Гняздо знаходзіцца на адной з ацалелых сцен старога піўзавода.

Гняздо ў Малой Бераставіцы сціплейшае: 1,5 на 1,5 метра, а ў Аршанскім раёне буслы ўзвялі сабе жытло вышынёй 1,75 м і 1,5 метра шырынёй.

«Усе буслы штогод надбудоўваюць свае гнёзды. Шматузроўневыя гнёзды вельмі цяжкія: вага трохгадовага гнязда можа перавышаць 200 кілаграмаў, а вельмі старога - 800 кг», - паведамляе «Дзікая прырода побач».